সম্পৰ্ক বিচ্ছিন্ন হোৱাৰ বাবে অপৰাধমূলক গোচৰৰ সংখ্যা বৃদ্ধি পাইছে। এই পৰ্যবেক্ষণ এলাহাবাদ উচ্চ ন্যায়ালয়ৰ ন্যায়াধীশ ন্যায়াধীশ কৃষ্ণন পাহলেৰ।
এটা গোচৰত এগৰাকী ২৫ বছৰীয়া মহিলাই ৪২ বছৰীয়া বিবাহিত অৰুণ কুমাৰ মিশ্ৰৰ বিৰুদ্ধে ধৰ্ষণৰ অভিযোগ উত্থাপন কৰে। লগতে তেওঁ দাবী কৰে যে অভিযুক্তই ধৰ্ষণৰ ভিডিঅ’ ৰেকৰ্ডিং কৰি মহিলাগৰাকীক ব্লেকমেইল কৰিছিল। একে সময়তে অভিযুক্তই বিয়াৰ প্ৰতিশ্ৰুতি দিও অৱশেষত মহিলাগৰাকীৰ পৰা আঁতৰি যোৱাৰ অভিযোগ উত্থাপন কৰে মহিলাগৰাকীয়ে।
অৱশ্যে আবেদনকাৰীৰ অধিবক্তাই আদালতত কয় যে এফআইআৰ দাখিল কৰাত ছমাহ পলম হৈছে। সেই ব্যক্তিজনৰ সৈতে আবেদনকাৰীৰ সহমতৰ সম্পৰ্ক আছিল। এই অপৰাধ সংঘটিত হোৱা সময়ছোৱাত দুয়োজনে স্বেচ্ছাই বহু ঠাইলৈ গৈ হোটেলত থকা বুলিও দাবী কৰে অধিবক্তাগৰাকীয়ে।
অভিযুক্তক ‘কাছানোভা’ বুলি উল্লেখ কৰি ভুক্তভোগীয়ে দাবী কৰে যে তেওঁৰ বিভিন্ন সময়ত বহু মহিলাৰ সৈতে প্ৰেমৰ সম্পৰ্ক আছিল। তিনিবাৰ বিয়াও পাতিলে। মহিলাগৰাকীয়ে লগতে অভিযোগ কৰে যে অভিযুক্তই নিজকে ধনী মানুহ বুলি দাবী কৰি আনক শোষণ কৰিছিল।
দুয়োপক্ষৰ যুক্তি শুনি ন্যায়াধীশ কৃষ্ণন পাহলে অৰুণ কুমাৰ মিশ্ৰক জামিন মঞ্জুৰ কৰে। ন্যায়াধীশে কয় যে অভিযুক্তই পূৰ্বতে তিনিবাৰ বিবাহ কৰিছিল। অভিযুক্তৰ বৈবাহিক ইতিহাসৰ বিষয়ে মহিলাগৰাকী সম্পূৰ্ণ জ্ঞাত আছিল। ইয়াৰ পিছতো তেওঁ সম্পৰ্ক স্থাপন কৰাৰ সিদ্ধান্ত লৈছিল। এই সম্পৰ্কটো সন্মতিসূচক আছিল। এতিয়া সম্পৰ্ক বিচ্ছিন্ন হোৱাৰ বাবেই অপৰাধমূলক গোচৰটো দাখিল কৰা হৈছে। এতিয়া বেছিভাগ গোচৰতে এনেকুৱা হৈছে। এইদৰে কৈ অভিযুক্তক জামিন প্ৰদান কৰে ন্যায়াধীশ গৰাকীয়ে।
ব্ৰেকআপৰ বাবেই বৃদ্ধি পাইছে অপৰাধমূলক গোচৰ, ধৰ্ষণৰ দৰে ঘটনা
এই ৰায়দানেৰে অভিযুক্তক জামিন মঞ্জুৰ কৰিলে এলাহাবাদ উচ্চ ন্যায়ালয়ে
সম্পৰ্ক বিচ্ছিন্ন হোৱাৰ বাবে অপৰাধমূলক গোচৰৰ সংখ্যা বৃদ্ধি পাইছে। এই পৰ্যবেক্ষণ এলাহাবাদ উচ্চ ন্যায়ালয়ৰ ন্যায়াধীশ ন্যায়াধীশ কৃষ্ণন পাহলেৰ।
এটা গোচৰত এগৰাকী ২৫ বছৰীয়া মহিলাই ৪২ বছৰীয়া বিবাহিত অৰুণ কুমাৰ মিশ্ৰৰ বিৰুদ্ধে ধৰ্ষণৰ অভিযোগ উত্থাপন কৰে। লগতে তেওঁ দাবী কৰে যে অভিযুক্তই ধৰ্ষণৰ ভিডিঅ’ ৰেকৰ্ডিং কৰি মহিলাগৰাকীক ব্লেকমেইল কৰিছিল। একে সময়তে অভিযুক্তই বিয়াৰ প্ৰতিশ্ৰুতি দিও অৱশেষত মহিলাগৰাকীৰ পৰা আঁতৰি যোৱাৰ অভিযোগ উত্থাপন কৰে মহিলাগৰাকীয়ে।
অৱশ্যে আবেদনকাৰীৰ অধিবক্তাই আদালতত কয় যে এফআইআৰ দাখিল কৰাত ছমাহ পলম হৈছে। সেই ব্যক্তিজনৰ সৈতে আবেদনকাৰীৰ সহমতৰ সম্পৰ্ক আছিল। এই অপৰাধ সংঘটিত হোৱা সময়ছোৱাত দুয়োজনে স্বেচ্ছাই বহু ঠাইলৈ গৈ হোটেলত থকা বুলিও দাবী কৰে অধিবক্তাগৰাকীয়ে।
অভিযুক্তক ‘কাছানোভা’ বুলি উল্লেখ কৰি ভুক্তভোগীয়ে দাবী কৰে যে তেওঁৰ বিভিন্ন সময়ত বহু মহিলাৰ সৈতে প্ৰেমৰ সম্পৰ্ক আছিল। তিনিবাৰ বিয়াও পাতিলে। মহিলাগৰাকীয়ে লগতে অভিযোগ কৰে যে অভিযুক্তই নিজকে ধনী মানুহ বুলি দাবী কৰি আনক শোষণ কৰিছিল।
দুয়োপক্ষৰ যুক্তি শুনি ন্যায়াধীশ কৃষ্ণন পাহলে অৰুণ কুমাৰ মিশ্ৰক জামিন মঞ্জুৰ কৰে। ন্যায়াধীশে কয় যে অভিযুক্তই পূৰ্বতে তিনিবাৰ বিবাহ কৰিছিল। অভিযুক্তৰ বৈবাহিক ইতিহাসৰ বিষয়ে মহিলাগৰাকী সম্পূৰ্ণ জ্ঞাত আছিল। ইয়াৰ পিছতো তেওঁ সম্পৰ্ক স্থাপন কৰাৰ সিদ্ধান্ত লৈছিল। এই সম্পৰ্কটো সন্মতিসূচক আছিল। এতিয়া সম্পৰ্ক বিচ্ছিন্ন হোৱাৰ বাবেই অপৰাধমূলক গোচৰটো দাখিল কৰা হৈছে। এতিয়া বেছিভাগ গোচৰতে এনেকুৱা হৈছে। এইদৰে কৈ অভিযুক্তক জামিন প্ৰদান কৰে ন্যায়াধীশ গৰাকীয়ে।
