পেহেলগামৰ সন্ত্ৰাসবাদী আক্ৰমণৰ পিছত দেশৰ মুছলমান সম্প্ৰদায়ৰ লোক, বাওপন্থী আৰু কংগ্ৰেছ দেশদ্ৰোহী সজোৱাত ব্যস্ত হৈ পৰিছে হিন্দুত্ববাদী শিবিৰ। পাকিস্তানৰ সন্ত্ৰাসবাদীয়ে জ্বলাই যোৱা জুই ঘিউ ঢালিছে হিন্দুত্ববাদী শিবিৰে। কাশ্মীৰৰ পেহেলগামত সন্ৰাাকসবাদী আাক্ৰমণৰ সময়ত আক্ৰান্ত লোক সকলৰ সুৰক্ষা, আশ্ৰয় আাৰু খাদ্য দিয়ালৈকে সকলোখিনি নিষ্ঠাৰে কৰিছিল স্থানীয় মুছলমান কাশ্মীৰী লোকে। নিজৰ জীৱনক তুচ্ছ জ্ঞান কৰি হিন্দু পৰ্যটকসকলৰ প্ৰাণ ৰক্ষা কৰিছিল মুছলমান কাশ্মীৰীলোকে। পেহেলগ্ৰামৰ ঘটনাৰ প্ৰতিশোধ ল’বলৈ গৈ ছহিদ হ’ল এগৰাকী মুছলমান সম্প্ৰদায়ৰ চি আৰ পি এফ জোৱান। সমগ্ৰ কাশ্মীৰত স্থানীয় লোক সকলে প্ৰকাশ্যে এই সন্ত্ৰাসবাদী আক্ৰমণক গৰিহণা দি ৰাজপথলৈ ওলাই আহিছে। বাওপন্থী, কংগ্ৰেছকে ধৰি সকলো বিৰোধী দলে সন্ত্ৰাসবাদক তীব্ৰ গৰিহণা দি দেশত হিন্দু-মুছলমানৰ একতা বিচাৰিছে। ইমানৰ পিছতো কিয় বিজেপিয়ে টাৰ্গেট কৰি লৈছে দেশৰ মুছলমান সকলক? কিয় নিজৰ সুৰক্ষা আাৰু নিৰাপত্তাৰ ব্যৰ্থতাৰ কথা স্বীকাৰ নকৰে কেন্দ্ৰীয় চৰকাৰে?
জম্মু-কাশ্মীৰৰ কথুৱা জিলাৰ পেহেলগামত হোৱা সন্ত্ৰাসবাদী আক্ৰমণ আৰু নিৰাপত্তা ব্যৱস্থাৰ সুৰুঙাক লৈ কেন্দ্ৰ চৰকাৰ প্ৰশ্ন কৰাৰ বাবে এগৰাকী সাংবাদিকক আক্ৰমণ কৰিছে বিজেপিৰ একাংশ নেতা-কৰ্মীয়ে। দৈনিক জাগৰণৰ সাংবাদিক ৰাকেশ শৰ্মাই বিজেপিৰ বিধায়ক দেৱীন্দৰ মন্যালক বিশেষভাৱে সুধিছিল যে পেহেলগাম সন্ত্ৰাসবাদী আক্ৰমণ সীমান্তৰ অনুপ্ৰৱেশ নীৰিক্ষণ ব্যৰ্থ হোৱাৰ বাবেই হৈছিল নেকি? ইয়াৰ পিছতে হিমাংশু শৰ্মা, ৰবিন্দৰ সিং, অশ্বনী শৰ্মা, মঞ্জিত সিং, টনি আৰু পাৰবীন চুনা বুলি চিনাক্ত হোৱা বিজেপি কৰ্মীসকলে সাংবাদিক ৰাকেশ শৰ্মাক আক্ৰমণ কৰে। বৰ্তমানেও চিকিৎসাধীন হৈ আছে এই সাংবাদিকগৰাকী।সেয়েহে এতিয়া প্ৰশ্ন হৈছে, পেহেলগাম ঘটনাক সাম্প্ৰদায়িক আৰু ৰাজনৈতিক ৰূপ দিয়াৰ চেষ্টা কৰিছে নেকি একাংশ লোকে? চৰকাৰক প্ৰশ্ন কৰাৰ সলনি কিয় বিৰোধী, সংবাদ মাধ্যম আৰু দেশৰ মুছলমানক টাৰ্গেট কৰি লৈছে এইসকল লোকে?
