এআইইউডিএফৰ মূৰব্বী বদৰুদ্দিন আজমলে জনসংখ্যা বৃদ্ধি আৰু ‘লাভ জিহাদ’ বিষয় দুটাৰ প্ৰসংগত আগবঢ়োৱা জঘন্য সাম্প্ৰদায়িক বক্তব্যক চিপিআই(এম) অসম ৰাজ্যিক কমিটিয়ে তীব্ৰভাৱে গৰিহণা জনাইছে। চিপিআই(এম) য়ে এক প্ৰেছ টোকা যোগেদি কয় যে- আজমলে হিন্দু যুৱক-যুৱতীৰ বিবাহৰ বয়স, যৌন জীৱন আদিকলৈ যি কুৎসিৎ ব্যাখ্যা আগবঢ়াইছে, সেইয়া বাস্তৱতাৰ লগত তাৰ কোনো সম্পৰ্ক নাই। তদুপৰি লাভ জিহাদৰ বিষয়টোক লৈ তেওঁ যিবোৰ তীৰ্যক মন্তব্য কৰিছে, সেইবোৰে দৰাচলতে বিজেপি-আৰএছএছ-এ লাভ জিহাদৰ নামত যিবোৰ অবাস্তৱ আৰু সাম্প্ৰদায়িক কথা-বাৰ্তা কৈ থাকে সেইবোৰকহে পুনৰ চৰ্চালৈ আনিব। সামগ্ৰিকভাৱে বদৰুদ্দিন আজমলৰ উদ্ভৎ, বিদ্বেষপূৰ্ণ আৰু সাম্প্ৰদায়িক বক্তব্যই বিজেপি-আৰএছএছক তেওঁলোকৰ সাম্প্ৰদায়িক প্ৰচাৰ আগবঢ়াই নিবৰ বাবে নতুন ক্ষেত্ৰ উলিয়াই দিলে মন্তব্য প্ৰকাশ কৰিছে।
লগতে চিপিআই(এম)ৰ অসম ৰাজ্যিক কমিটিয়ে এই বক্তব্যৰ নিন্দা কৰাৰ লগতে অসমৰ হিন্দু-মুছলমান সকলো নাগৰিককে এনে ঘৃণনীয় বক্তব্যৰ বিৰুদ্ধে সোচ্ছাৰ হ’বলৈ আহ্বান জনাইছে।