সদ্য ঘোষিত গাওঁ প্ৰধান নিযুক্তি প্ৰক্ৰিয়াত তিনিচুকীয়া জিলাৰ কাকপথাৰত চৰম অনিয়ম হোৱাৰ অভিযোগ উত্থাপন হৈছে ।
ডুমডুমা ৰাজহ চক্ৰৰ অন্তৰ্গত কাকপথাৰৰ কুলিপথাৰ, সৰুমেছাই গাওঁৰ গাওঁপ্ৰধান নিযুক্তি প্ৰক্ৰিয়াত স্থানীয় বিধায়কৰ ছত্ৰছায়াত নিযুক্তি লাভ কৰাৰ অভিযোগ উত্থাপন হৈছে।
চৰকাৰী নীতি-নিয়ম উলংঘা কৰি কাকপথাৰৰ কুলিপথাৰ গাঁৱত ভাৰতীয় জনতা যুৱ মৰ্চাৰ শদিয়া জিলা সমিতিৰ উপ সভাপতি হিৰেন্দ্ৰ মৰাণক নিযুক্তি দিলে গাওঁপ্ৰধান হিচাপে ।
আনহাতে সৰুমেছাই গাওঁত গাওঁ প্ৰধান নিযুক্তিত অনিয়ম হোৱাৰ অভিযোগ উত্থাপন কৰিছে পূৰ্বৰ গাওঁ প্ৰধানজনে।
শদিয়া সমষ্টিৰ বিধায়ক বলিন চেতিয়াৰ হস্তক্ষেপত গাওঁ প্ৰধান নিযুক্তি লাভ কৰাৰ অভিযোগ তুলি গাওঁকেইখনত পুনৰ সাক্ষ্যাৎকাৰ লৈ স্বচ্ছ আৰু নিকা পদ্ধতিৰে নিযুক্তি দিবলৈ দাবী উত্থাপন কৰিছে।
নিয়মাৱলী অনুসৰি ৰাজনৈতিক দলৰ সক্ৰিয় সদস্য, অভিযুক্ত, চৰকাৰী ধন আত্মসাৎ কৰাৰ ব্যক্তি নিৰ্বাচিত নহ’ব বুলি উল্লেখ থকাৰ পিছতো কেনেদৰে উল্লেখিত ব্যক্তিক নিৰ্বাচিত হ’ল বুলি চৰকাৰলৈ প্ৰশ্ন উত্থাপন ।
দুৰ্নীতিৰ বিৰুদ্ধে কঠোৰ বুলি দম্ভালি মাৰি থকা ৰাজ্য চৰকাৰে এই সকলৰ বিৰুদ্ধে কি ব্যৱস্থা হাতত লব সেইয়া হ’ব লক্ষ্যণীয়।
