গুজৰাটৰ চুৰাটৰ মুখ্য দণ্ডাধীশৰ আদালতে ৰাহুল গান্ধীক এক ফৌজদাৰী মানহানি গোচৰত দোষী সাব্যস্ত কৰাৰ পাছতে জনপ্ৰতিনিধি আইন অনুসৰি লোকসভা সচিবালয়ে খাৰিজ কৰিলে কংগ্ৰেছ নেতাজনৰ সাংসদ পদ।
চুৰাটৰ মুখ্য দণ্ডাধীশৰ আদালতে ২০১৯ চনত কৰ্ণাতকৰ এখন নিৰ্বাচনী সভাত ভাষণ প্ৰদান কৰি ৰাহুল গান্ধীয়ে “মোদী চোৰ হয়” বুলি কৰা মন্তব্যৰ অভিযোগত ২৩ মাৰ্চত দুই বছৰৰ কাৰাদণ্ড প্ৰদান কৰিছিল।
আদালতে দিয়া ৰায়দানৰ পাছতে আজি লোকসভা সচিবালয়ে জনপ্ৰতিনিধি আইন অনুসৰি ৰাহুল গান্ধীৰ সাংসদ পদ খাৰিজ কৰে। ইয়াৰ ওপৰিও জনপ্ৰতিনিধি আইন অনুসৰি ৮ বছৰৰ বাবে নিৰ্বাচনত অৱতীৰ্ণ হোৱাৰ বাবে অযোগ্য বুলি ঘোষণা কৰে কংগ্ৰেছ নেতাজনক।
ৰাহুল গান্ধীক সাংসদ পদ খাৰিজ কৰাৰ পাছতে কংগ্ৰেছে কৈছে যে- এতিয়া সত্যৰ বাবে যুঁজ দিয়াৰ সময়। ৰাহুল গান্ধীক সাংসদ পদ খাৰিজ কৰা ঘটনাই আগন্তক লোকসভা নিৰ্বাচনৰ পূৰ্বে কংগ্ৰেছৰ বাবে এইয়া মোক্ষম আঘাট বুলিব পাৰি।