২০২১ চনৰ অক্টোবৰ মাহৰ ২৮ তাৰিখটো হয়তো ক্ৰিকেট অনুৰাগীসকলে পাহৰিব পৰা নাই। T20 বিশ্বকাপৰ ভাৰত বনাম পাকিস্তানৰ খেলত ১০ উইকেটত জয়লাভ কৰিছিল পাকিস্তানে। আজি সেই একেই ষ্টেডিয়ামত অনুষ্ঠিত হোৱা এছিয়া কাপৰ গ্ৰুপ ষ্টেজ খেলত ৫ উইকেটত জয় লাভ কৰিলে ভাৰতে।
উল্লেখ্য যে ২০২১ চনৰ অক্টোবৰ মাহত ডুবাই আন্তৰ্জাতিক ষ্টেডিয়ামত অনুষ্ঠিত পুৰুষ T20 বিশ্বকাপৰ ১৬ সংখ্যক খেলত প্ৰথমবাৰৰ বাবে বিশ্বকাপত পাকিস্তানৰ হাতত পৰাজিত হৈছিল ভাৰত। সেই খেলত ভাৰতে দিয়া ১৫২ ৰানৰ লক্ষ্য পকিস্তানে অতি সহজতে এটাও উইকেট নেহেৰুৱাকৈ জয়ী হৈছিল।
আজি সেই একেই ষ্টেডিয়ামত ৩০৮ দিনৰ অন্তত হোৱা এছিয়া কাপৰ গ্ৰুপ ষ্টেজ খেলত ৫ উইকেটত জয় লাভ কৰিলে ভাৰতে।
আজিৰ খেলত পকিস্তানে প্ৰথমে বেট ধৰি ১৪৮ ৰাণৰ লক্ষ্য দাঙি ধৰে। পাকিস্তানৰ হৈ মহম্মদ ৰিজৱানে ৪২ বলত ৪৩ ৰাণ কৰে। আনহাতে ভাৰতৰ হৈ ৰবীন্দ্ৰ জাদেজাই ২৯ বলত ৩৫ ৰাণ কৰে। তেওঁক সংগ দিয়ে হাৰ্ডিক পাণ্ডিয়াৰ ১৭ বলত মাৰা ৩৩ ৰাণে।
শেষত ৫ উইকেটৰ ব্যৱধানত ভাৰতে এছিয়া কাপত খেলা প্ৰথম খেলত পাকিস্তানৰ বিৰুদ্ধে জয়লাভ কৰে। ভাৰতৰ হৈ ভুৱনেশ্বৰ কুমাৰে ৪ টা উইকেট লাভ কৰে। ইয়াৰ লগতেই ৩০৮ দিনৰ অন্তত একেই ষ্টেডিয়ামত ভাৰতে পাকিস্তানৰ বিৰুদ্ধে জয়লাভ কৰে।
ভাৰতে এছিয়া কাপৰ দ্বিতীয় খেল অহা খেল হঙকঙৰ বিৰুদ্ধে ৩১ তাৰিখে খেলিব।
